БИШКЕК, 28-окт. — Sputnik. Кыргызстандын унаа жарышы боюнча чемпионаты дем алыш күндөрү Бишкекте өтө турганын уюштуруучулар кабарлады.
Жарыштын биринчи этабы майда, экинчиси августта өткөрүлгөн. 30-октябрда Жеңиш аянтындагы Фрунзе көчөсүндө жеңил унаанын мыкты айдоочулары жарышат.
Мындан тышкары, "спорт чеберине талапкер" наамына ким татыктуу боло тургандыгы белгилүү болот.
Унаа жарыш Советтер союзу учурунда айдоочулардын тажрыйбасын жогорулатууга багытталган спорттук дисциплина катары таанылган.
