БИШКЕК, 24-окт. — Sputnik. Баткен облусунун Кызыл-Кыя шаарында курулуп жаткан эл аралык стандартка ылайыктуу спорт комплекс жакынкы күндөрү пайдаланууга берилет. Бул туурасында өкмөттүн Баткен облусу боюнча өкүлчүлүгүнүн маалымат кызматынан кабарлашты.
"Аталган комплекс КР президенти тарабынан демилгеленип Газпром-Азия ишканасынын "Газпром балдарга" долбоорунун алкагында курулууда. Ал 350 орунга ылайыкташып, машыгуу залдары, мелдеш өткөрүүчү жайы, заманбап жылытуу жана суу системасы киргизилген", — деп айтылат маалыматта.
Өкүлчүлүк бул жерде спорттук оюндардын түрлөрү боюнча мелдеш өткөрүүгө мүмкүнчүлүк түзүлөрүн кошумчалады.
