БИШКЕК, 20-окт. — Sputnik. Казакстандан Кыргызстандын аймагына мыйзамсыз кирүүгө аракет жасаган жаран кармалганын Чек ара кызматынан кабарлашты.
Билдирмеге караганда 22 жаштагы бала Кыргызстандын аймагына Чу дарыясы аркылуу өтүүнү көздөгөн.
"Териштирүү иштеринен кийин мыйзам бузуучу түзөтүү колониясынан качып, эки айдан бери издөөдө жүргөнү аныкталды", — деп айтылат маалыматта.
Аталган факт боюнча тиешелүү документтер даярдалгандан кийин жаран Жаза аткаруу кызматына өткөрүп берилген.
