БИШКЕК, 10-окт. — Sputnik. КМШ мамлекеттеринин "Үмүт" форуму 28-30-октябрда Бишкек шаарында өтөрүн Кинематографияны өнүктүрүү фонду билдирди. Иш-чара Маданият, маалымат жана туризм министрлигинин Кинематография департаменти тарабынан өткөрүлүүдө.
Форумдун алкагында КМШ мамлекеттеринин жаш режиссерлорунун эл аралык жана улуттук конкурстары өтөт. Буга чейинки үч форум улуттук деңгээлде гана өткөрүлгөн.
Программага ылайык төрт конкурс болот:
- Эл аралык көркөм тасмаларынын конкурсу — 15 тасма;
- Даректүү тасмалардын эл аралык конкурсу — 12 тасма;
- Улуттук көркөм тасмаларынын конкурсу — 12 тасма;
- Даректүү тасмалардын улуттук конкурсу — 10 тасма.
Ар бир конкурстук программадагы тасманы ар башка калыстар карайт. Алардын катарында киносынчылар, кинотаануучулар, режиссерлор, КМШ жана Балтика мамлекеттеринин продюсерлери болот.
