БИШКЕК, 29-сен. — Sputnik. Sputnik Кыргызстан агенттиги өзүнүн маалыматтык-жарнамалык мүмкүнчүлүктөрү тууралуу айтып берди.
Келген конокторго редакциянын ичи көрсөтүлүп, радиостудиянын жана маалымат жыйын залынын жогорку технологиялык мүмкүнчүлүктөрү көрсөтүлдү. Бишкек жана Астанадагы Sputnik хабдарынын телекөпүрөсү менен редакцияны таанытуу иш-аракеттери аяктады. Телекөпүрө учурунда Sputnik Кыргызстан агенттигинин жетекчиси Елена Череменина редакциянын акыркы учурда жасаган эң маанилүү жана кызыгуу жараткан долбоорлору менен тааныштырды. Алар —Кыргызстандын жаратылышынын кооздугун даңазалаган "Ажайып Кыргызстан" видеодолбоору жана өлкөнүн туристтик мүмкүнчүлүгүн көрсөткөн "Sputnik менен эс ал" тематикалык лонгриди.
Sputnik Кыргызстан агенттигинин жетекчиси Елена Череменина заманбап медиатехнологиялар менен жабдылган редакциянын жамааты профессионалдуулук менен жасаган иштерин айкалыштыра турганын баса белгиледи.
"Биздин журналисттер күн сайын окурмандарга жергиликтүү жана дүйнөлүк окуяларды сапаттуу, ыкчам түрдө сунуштайт. Sputnik Кыргызстан өлкөнүн маалымат айдыңында кызматташууга дайыма ачык", — деген пикирин билдирди.
Sputnik Кыргызстан маалымат порталы өз ишин 2014-жылы декабрь айында кыргыз жана орус тилдеринде баштаган. Ал өлкөдөгү интернет-ЖМКлардын арасында эң биринчи орунда*. Өз ишинин мыкты чебери болгон журналисттер менен редакторлор окурмандарына аймактагы жана дүйнөдө болуп жаткан актуалдуу, күн тартибиндеги түрдүү пикирлерди сунуштайт.
Sputnik агенттигинин мультимедиалык маалымат борбору (Бишкек ш., Эркиндик бульвары, 46) замандап жабдуулар менен жабдылып, түрдүү форматтагы бардык иш-чараларды өткөрүү мүмкүнчүлүгүнө ээ. Ошондой эле дүйнөнүн түрдүү бурчунан түз теле алып берүүлөрдү жана видеокөпүрөлөрдү уюштура алат. Андан сырткары коноктор жана журналисттер үчүн ыңгайлуу, бардык шарты каралган маалымат залы бар.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.
* LiveInternet сайтынын 2016-жылдын январь-август айларындагы маалыматы боюнча
