БИШКЕК, 23-сен. — Sputnik. Таласта терс диний агымдарды алдын алуу маселеси талкууланды. Бул тууралуу муфтияттан билдиришти.
Маалыматка ылайык, Талас казыяты жергиликтүү өз алдынча башкаруу органдарынын жетекчилери, райондук прокуратура, жергиликтүү кеңештердин депутаттары, мектеп директорлору, айыл аксакалдары менен коомчулуктун катышуусунда экстремизмди жана радикалдуу диний агымдарды алдын алуу максатында атайын жыйын өткөрдү.
Облус казысы Таалайбек ажы Бапиев жана казынын орун басары Касым ажы Сыдыков экстремизмдин коомго келтирүүчү олуттуу зыяны боюнча түшүндүрүп, ислам дини экстремизм менен терроризмге каршы экендигин айтышты.
Ал эми катышуучулар түшүнбөгөн суроолорун узатышып, терс диний агымдар тууралуу кеңири маалымат алышты.
