Кырсык каш-кабактын ортосунда. Кечээ күндүн кечи жаман кабарларга жык болду. Жүргүнчү ташыган маршрутка ала салып, андан бир нече киши жабыркаса, ушул эле күнү күүгүм кирип калганда мүрзөнүн жанынан адыраңдаган жол тандабас эки баласы менен келинди коюп кетти. Айланайын айдоочулар, кайда шашасыңар!!! Жабыркагандардын убалы кимге?!
Ооо, Интернет, сен бизге арзан керексиң. Учурда өкмөт Интернетти арзан алуунун башка жолун карап жатат. Себеби Казакстан Россиядан келген Интернеттин транзитинин баасын асмандаткан болчу. Туура, бир жерди карап отура бербей, мурда эле кыймылдаш керек болчу.
Атасы табылды, бирок… Интернетте ызы-чуу талашка себепчи болгон картондо уктап жаткан Исхактын атасы табылды. Табылды дейин дегениң менен ал ата-энесинен тогуз жыл, үй-бүлөсүнөн эки жылдан бери кабар албаптыр.
Казак бир боорум. Саламаттыгы начарлап, Түркияда дарыланып жаткан Атамбаевге казак туугандар колунан келген жардамды берүүгө даяр экенин айтты. Эмне болсо да боорубуз, түбүбүь бир да…
Бакиевдин чуусу. Бакиевдердин Кыргызстандан чыгып кеткенине карабастан алардын артындагы чуу азыркыга чейин уланууда. Анын Beechcraft SuperKingAir-350 үлгүсүндөгү учагы канчага сатылганы белгилүү болду.
Акылайдын Доорону. Тамашоучу Самат Эркинбеков коомчулукка "Акылай" жана "Доорон" деген ат менен белгилүү. Анын айталбай жүргөн эмне сыры бар экенин бул жактан окугула.
Валюта наркы. Бүгүн сомдун баасы долларга карата орто эсеп менен 68.58 (сатып алуу) жана 68.77 (сатуу) сомду түздү.
Мунай баасы. Бишкекте орточо эсеп менен алганда Аи-92 үлгүсүндөгү май 35.00 сом, Аи-95 үлгүсүндөгү бензин 39.00 сом, ал эми дизель майы 31 сомдон сатылууда.
Соңку сөз ордуна. Кырсык каш кабактын ортосунда, андыктан өзүбүзгө этият бололу. Айланайын, айдоочулар, шашпагылачы деп Расул Үсөналиев.
