Бакыт Төрөбаев: коалиция чала жан болуп калды, "перезагрузка" кылуу керек
Коалиция реанимацияга түшүп, атайын аппараттын жардамы менен дем алып жатат. Мындай пикирин "Өнүгүү — Прогресс" фракциясынын лидери Бакыт Төрөбаев парламентте сүйлөп жатып билдирди.
Бүгүн Жогорку Кеңештин отурумунда Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитеттин төрагасын шайлоо учурунда кызыл чеке талаш-тартыш чыкты.
"Коалиция реанимацияга түшүп, атайын аппараттын жардамы менен дем алып калды. Андыктан коалицияны "перезагрузка" кылышыбыз керек", — деди Төрөбаев.
Ал бүгүн кечке жуук коалиция лидерлерин ийри отуруп түз кеңешип чечим кабыл алууга чакырды.
