БИШКЕК, 23-авг. — Sputnik. Баткенде мектеп салган ишкана 4 миллион 942 миң сомду кымырып алгандыгын Финансы полициясы билдирди.
Маалыматка ылайык, Турак жай-жарандык курулуш департаментинин Баткен облустук башкармалыгы "Халил" ишканасы менен жалпы суммасы 26 миллион 341 миң сомго мектеп салууну макулдашкан.
Текшерүү учурунда аталган ишкана тарабынан мектеп толук кандуу бүткөрүлгөнү, бирок курулушка 21 миллион 399 миң сом гана жумшалганы аныкталган.
Учурда ишкананын 4 миллион 942 миң сомду кымырып алганы боюнча Кылмыш жаза кодексинин 221-беренеси (кызматынан кыянаттык менен пайдалануу) менен кылмыш иши козголду.
