БИШКЕК, 15-авг. — Sputnik. Жарылуу бүгүн эртең менен Афганистандын борборундагы АКШнын элчилигинин имаратынын жанында болгон. Бул туурасында РИА Новости Синьхуа агенттигине шилтеме кылып кабарлады.
Аталган агенттик күбөлөргө таянган маалыматында жарылуу киши курмандыгын жаратпагандыгын айтты.
Акыркы убакта Афганистанда кырдаал бир топ начарлап кетти. Буга чейин өлкөнүн элет жеринин көп бөлүгүн ээлеп алган "Талибан" кыймылы учурда ири шаарларга басым жасап жатат. Мындан тышкары, мамлекетке "Ислам мамлекети" террордук тобунун таасири да жайылууда.
