БИШКЕК, 12-авг. – Sputnik. Таиланддагы жардыруудан жабыркаган элдин арасында кыргызстандыктар жок. Бул тууралуу Тышкы иштер министрлиги билдирди.
Эскерте кетсек, 11-август күнү Таиланддын Транг провинциясында жардыруу болуп, бир киши каза тапкан. Дагы жети адамдын жаракат алганы маалымдалып, баары тең жергиликтүү тургундар экени анык болгон.
Андан кийин Хуахин курорттук шаарында эки жарылуу болуп, бир таиланддык жаран мерт кеткен. Ал эми жаракат алган 21 кишинин арасында 10 чет элдик жаран бар экени айтылган.
Укук коргоо органдарынын маалыматы боюнча туристтердин катарында Австрия, Улуу Британия, Голландия, Германия жана Италиянын жарандары бар.
Учурда кырсыктын чоо-жайы аныкталып жатат.
Ал эми Кыргызстандын Малайзиядагы элчилиги жабыркагандардын арасында КР жарандарынын жок экенин белгилейт.
