БИШКЕК, 11-авг. — Sputnik. Бүгүн, 11-августта саат 02:23дө кыргыз-өзбек чек арасында 3 баллга жеткен жер титирөө болгонун ӨКМ кабарлады.
Сейсмология институтунун алдын ала берген маалыматына караганда, силкинүүнүн очогу Кыргызстан менен Өзбекстандын чек арасындагы аймакта, Избаскан айылынан түштүктү карай 3 чакырым, Бүргөндү айылынан түштүк-чыгышты карай 5 чакырым, Кочкор-Ата шаарынан түндүккө карай 15 чакырым, Шамалды-Сай шаарынан түштүк- чыгышты карай 25 чакырым аралыкта жайгашкан.
Жер титирөөнүн күчү Бүргөндү жана Избаскан айыл аймагында 3 баллга жетти. Алдын ала маалыматтар боюнча жабыр тарткандар жана каза болгондор жок.
