Атамбаев депутаттардын ишине баа берди

Жазылуу
Өлкө башчы Алмазбек Атамбаев депуттар биринчи сессияда маанилүү мыйзамдарды кабыл алганын баса белгиледи.

БИШКЕК, 4-авг. — Sputnik. Жогорку Кеңештин алтынчы чакырылышы биринчи сессиясында президенттин кароосуна 186 мыйзам жөнөткөн. Бул тууралуу өлкө башкы Алмазбек Атамбаевдин аппарат жетекчиси Фарид Ниязов менен жолугушуусунда белгилүү болгондугун өлкө башчынын маалымат кызматы билдирди. 

Атамбаев бүгүн, 4-августта Чолпон-Ата шаарындагы мамлекеттик резиденцияда Ниязовду кабыл алып, алтынчы чакырылыштын депутаттары кабыл алынган мыйзамдарды экспертизадан өткөрүү ишинин жыйынтыгы менен таанышты.

"Былтыркы жылдын ноябрынан тартып быйылкы жылдын 14-июлуна чейин президенттин кароосуна парламент кабыл алган 186 мыйзам келип түштү. Анын ичинен 43 мыйзам июль айында келген", — деп айтылат маалыматта. 

Эскерте кетсек, эреже боюнча ЖК кабыл алган мыйзам долбоорлорго президент кол коюусу керек. 

Өз кезегинде Атамбаев эл өкүлдөрү өлкөгө керектүү мыйзамдарды кабыл алганын айтып, кызматташууну мындан да жакшыртуу керектигин белгиледи. 

Жаңылыктар түрмөгү
0