БИШКЕК, 28-июл. — Sputnik. Жалал-Абаддын Базар-Коргон районунун Арстанбап айыл аймагында жаңгак багы кулап, андан бир аял каза болгонун ӨКМ билдирди.
Маалыматка ылайык, кырсык бүгүн, 28-июль күнү саат 8.00дө болгон. Катуу шамалдын айынан өзөгү чирип калган жаңгак багы кулап, турак үйдүн бир жагын жана там алдындагы кичинекей үйдү басып калган. Дарак үйдүн алдында жүргөн 53 жаштагы аялга да тийип, маркум ошол эле жерден көз жумган.
Учурда райондук жана жарандык коргонуу комиссия мүчөлөрү, Кыргызгидрометтин адиси кырсык болгон жерде иш алып барууда.
