БИШКЕК, 27-июл. — Sputnik. Жыл башынан бери жарандардын кайрылуусу боюнча Мамлекеттик салык кызматынын (МКС) 20 кызматкери жазаланганын аталган мекеме билдирди.
Маалыматка ылайык, мында бир эскертүү берилип, төрт кызматкерге катуу сөгүш, жети кызматкерге сөгүш жарыяланды. Дагы сегиз кызматкер эскертүү алды. Мындай жаза чаралары жарандардан түшкөн жети кайрылууну текшерүүдө кабыл алынган.
"Жалпы жонунан биринчи жарым жылдыктын ичинде МСКга ар кандай даттануулар жана сунуштар менен 118 жаран кайрылган, анын ичинен электрондук почта аркылуу 40 кайрылуу келип түштү. Мындан тышкары, аймактык салык органдарына түшкөн 62 кайрылуунун ичинен 17 кайрылуу электрондук түрдө жиберилген", — деп айтылат билдирүүдө.
МСК жарандардын бардык кайрылуулары кызмат тарабынан өз убагында жана мыйзамга ылайык караларын эскертет.
