БИШКЕК, 26-июл. — Sputnik. Бишкек шаарындагы №71 орто мектепте өрт чыкканын ӨКМдин маалымат кызматы билдирди.
Өрт тууралуу билдирүү саат 11:02де келип түшкөн.
"Бишкек шаарындагы №71 орто мектепте өрт чыкты. Алдын ала маалыматтар боюнча спорт залдагы төшөнчүлөр күйгөн Аны өчүрүү үчүн эки өрт өчүрүүчү машина чыгып кеткен", — деп айтылат маалыматта.
Өрт саат 12:45те толугу менен өчүрүлгөн. Жабыр тарткандар жок.
