БИШКЕК, 19-июл. — Sputnik. Баткен облусунан чек араны жашы жете элек кызы менен мыйзамсыз кесип өткөн өзбекстандык аял кармалганын Чек ара кызматы билдирди.
Мыйзам бузгандарды Айдаркен чек ара отрядынын кызматкерлери Кадамжай районунун Жапагы аймагынан кармалган.
"Өзбекстандык аял жашы жете элек кызы менен кыргыз-өзбек чек арасын көзөмөл өткөрүү жайы коюлбаган жерден өткөн", — деп айтылат билдирүүдө.
Тийиштүү документтер толтурулгандан кийин ИИМдин аймактык бөлүмүнө өткөрүлүп берилген.
