БИШКЕК, 19-июл. — Sputnik. Президент Алмазбек Атамбаев "Кыргызстандын өкмөтү тууралуу" конституциялык мыйзамга өзгөртүүлөрдү киргизүү боюнча документке кол койду. Бул тууралуу мамлекет башчынын маалымат кызматы билдирди.
Азыркы мыйзамда начар иштеген министрлерди жумуштан бошотууга укук берилгени менен анда качан жана ким тарабынан ишке ашырылары так көрсөтүлгөн эмес.
"Өкмөт мүчөлөрү берген антын бузуп, начар иштеп жатса аларды кызматтан качан жана ким алаары тууралуу жоболор так көрсөтүлгөн эмес. Мындан улам бирдиктүү тартип киргизилип жатат. Эми премьер-министрдин көрсөтмөсү менен президент өкмөт мүчөлөрүн кызматтан алат", — деп айтылат маалыматта.
Мындай жүрүм-турумдар өкмөт мүчөлөрүнүн ортосунда ишенбөөчүлүктү пайда кылып, ишке залакасын тийгизип жатат деп белгиленген.
