БИШКЕК, 15-июл. — Sputnik. Жалал-Абад облусунда сел жүрүп жана болгон катуу шамал бир катар чыгымдарды алып келгенин ӨКМ билдирди.
Маалыматка ылайык, 14-июлда саат 19:30 чамсында Токтогул районунун Үч-Терек айыл аймагында катуу жааган жамгырдын кесепетинен Кызыл-Ураан айылында сел суулары 8 үйдүн сарайларын каптаган. Ошондой эле ички чарбалык жолду шагыл-таштар каптап, жол каттамга кыйынчылык жаралган. Бактыга жараша адам өлүмү катталган эмес. Жергиликтүү жарандык коргонуу комиссиясы келтирилген чыгымды тактоо иштерин жүргүзүүдө.
Ушул эле күнү Аксы районунун Кош-Дөбө айыл аймагында катуу шамал коштогон жамгыр жааган. Анын кесепетинен Торук айылында тогуз үйдүн шиферлерин учуруп кеткен.
