БИШКЕК, 6-июл. — Sputnik. Ошто кыргыз-кытай ишкерлери үчүн бизнес форум өтүп, Кытайдын Гуандун провинциясы менен Ош облусунун өз ара кызматташуусу боюнча макулдашууга кол коюлду. Бул туурасында аталган өкүлчүлүктүн маалымат кызматы кабарлады.
Сарыбашов Ош облусу алар менен соода-экономикалык, маданий жана гуманитардык багыттарда, дыйканчылыкка ыңгайлашкандыктан айыл-чарба жаатында кызматташууга кызыкдар экендигин айткан.
"Биздин чөлкөмдө өстүрүлгөн экологиялык таза тоо балын, эт азыктарын жана жер-жемиш түрлөрүн экспорттоого даярбыз. Ошондой эле кайра иштетүү, жеңил өнөр жай тармактарына да инвестиция салса болот", — деген өкмөттүн ыйгарымдуу өкүлү.
Форумга кытайлык жана кыргыз ишкерлер, Ош Жаш ишкерлер ассоциациясынын өкүлдөрү катышты. Мында жаңы долборлор сунушталып, аларды ишке ашыруу багытында келишимдер жана макулдашууларга кол коюлуп, сүйлөшүүлөр жүрдү.
