БИШКЕК, 28-июн. – Sputnik. Toyota Corolla үлгүсүндөгү унааны уурдап кетип Сокулуктан өрттөп жиберишкен. Бул тууралуу Чүй ОИИБ билдирди.
Маалыматка ылайык, милицияга 36 жаштагы тургун кайрылып, уурулар жаңы конуштан машинасын уурдап кетишкенин айткан. Укук коргоо органдарынын кызматкерлери аталган унааны күйүп кеткен абалында Сокулуктун Ак-Жар айылынан табышкан.
Кылмышка шектүү жаран кармалып, ага карата Кылмыш жаза кодексинин 172-беренесинин (унаа каражатына мыйзамсыз ээ болуу) негизинде кылмыш иши козголду.
