БИШКЕК, 23-июн. — Sputnik. Кыргызстандын бардык аймактарында мугалимдер, директорлор менен алардын жардамчылары жана райондук, шаардык билим берүү бөлүмдөрүнүн адистери үчүн окутуу жүрүүдө. Бул тууралуу Билим берүү жана илим министрлиги билдирди.
Ага ылайык, билим берүүнүн 2012-2020-жылдарга чейинки стратегиялык өнүгүү чараларынын негизинде мамлекеттик билим берүү стандарттарын ишке ашыруу үчүн мугалимдерди окутуу замандын талабы болууда. Окутуулардын максаты — башталгыч класстарга билим берүүнүн сапатын жакшыртуу болуп эсептелет.
Мындай окутуулар жайкы каникул маалында дагы уланып, 2017-жылдын аягына чейин 11500 адис атайын билимин жогорулатып, алган илимин тажрыйбада колдонуп, билим берүүнүн жаңыланган стандарттарын ишке ашырат.
