БИШКЕК, 21-июн. — Sputnik. Улуттук банк (УБ) жыл башынан бери валюта базарынан күн сайын 806 миң доллар сатып алат. Бул тууралуу Sputnik Кыргызстан агенттигинин эсептөөсү учурунда белгилүү болду.
Улуттук банктын расмий сайты кабарлагандай дүйшөмбү күнү 10,95 миллион доллар сатып алынган. Бул УБнын жыл башынан бери 19-сатып алуусу. Бүгүнкү күндө анын жалпы суммасы 139,47 миллион долларга жетти. Январь айынан ушул күнгө чейин күнүнө 806 миң доллардан туура келет (173 күн).
Мындан сырткары, УБ 18 ирет валюта саткан. Анын жалпы суммасы 78,65 миллион долларга жеткен.
