БИШКЕК, 21-июн — Sputnik. Шаардык мэрияга караштуу "Тазалык" жана "Зеленстрой" ишканалары тарабынан шаарды жашылдандыруу иштери улантылууда. Бул тууралуу муниципалитет билдирди.
"Зеленстрой" муниципалдык ишканасы тарабынан Аламүдүн-1 кичи районундагы гүлдөр сугарылса, "Тазалык" тарабынан Чүй проспектиси, Фрунзе, Токтоналиев, Ахунбаев, Юнусалиев, Сүйөркулов, Лев Толстой көчөлөрүн бойлой өскөн өсүмдүктөр иретке келтирилип, арыктар тазаланууда.
Жашылдандыруу жана сугаруу иштер Бишкектин башка аймактарында да улантылат.
