БИШКЕК, 15-июн. — Sputnik. Жалбырактарын курт жеген эмен бактары кыйылбай турганын "Зеленстрой" муниципалдык ишканасынын башкы агроному Сергей Кравер маалымат жыйында билдирди.
Анын айтымында, шаардагы эмен бактарынын 90 пайызы зыянкеч курттардан жабыркаган.
"Бактарды кандай болгон күндө дагы кыйбайбыз. Бул шаарды маскаралагандык, туура эмес болот. Курттар чынында зыян алып келбейт, таарыгыч курттар иммунитетти төмөндөтөт", — дейт Кравер.
"Курттарга каршы дарыларды Бишкекте колдонгонго болбойт, ал эми биологиялык каражаттардын натыйжалуулугу анча жакшы болбой жатат", — деди адис.
"Зеленстрой" муниципалдык ишканасынын жетекчисинин орун басары Вера Слесарева таарыгыч курт былтыр бактардын жалбырагын жеп, жерге кирип кеткенин кошумчалады.
"Кийинки жылдан баштап бактарды дарылап баштайбыз", — деди Слесарева.
Эмен багын таарыгыч курту (Profenusa pygmaea klug) тентрединиддер түркүмүнө кирет. Алар негизинен Россиянын европа бөлүгүн, Кавказ, Украина жана Батыш Европаны байырлашат.
