БИШКЕК, 14-июн. — Sputnik. Кыргызстанда "Мото Леди 2016" конкурсуна катышуу үчүн арыздарды кабыл алуу жүрүп жатканын мотоциклчендер коомунун төрагасы, уюштуруучулардын бири Аскат Сеитбеков билдирди.
Баш байге — 2,5 миң долларлык жаңы мотоцикл.
Конкурска 18 жаштан жогорку курактагы кыздар катыша алат.
17-июнга чейин арыз берген кыздарга 40 пайыздык жеңилдик каралган. Ал эми 1-июлга чейин арыздарын тапшыргандарга 20 пайыз жеңилдик берилет. Конкурска катышуу үчүн арыз тапшыруунун баасы 500 сом.
Конкурс үч этап менен өтөт. Анда мотоциклди айдоонун теориясы, мотоциклди айдоо жана фото конкурс камтылган.
