БИШКЕК, 13 июн — Sputnik. Бишкекке беш мамлекеттин депутаттары келе турганын Жогорку Кеңештин маалымат кызматы билдирди.
14-июнда мониторинг жана депутаттардын ишмердигинин натыйжалулугун күчөтүүгө баа берүү боюнча аймактык парламенттер аралык жолугушуу өтөт. Анын максаты тажрыйба алмашуу менен депутаттардын натыйжалуулугун жогорулатуу болуп саналат.
"Бул жолугушууга Армения, Казакстан, Кыргызстан, Россия, Грузия, Тажикстандын депутаттары, КР өкмөтүнүн жана эл аралык уюмдардын өкүлдөрү менен эксперттер дагы катышат", — деп айтылат билдирүүдө.
Жолугушууну Кыргызстандын депутаттарынын демилгелүү тобу эл аралык уюмдардын колдоосу менен уюштурууда.
