БИШКЕК, 10-июн. — Sputnik. Кыргызстандын аймагындагы суу каптаган жолдорду бекемдөө иштери улантылууда. Бул тууралуу ӨКМ билдирди.
Эскерте кетсек, кечээ Кыргызстандын Чүй облусунун Ысык-Ата, Жайыл, Панфилов, Чүй райондору жана Нарындын Ат-Башы районунда дарыялардагы суунун деңгээли көтөрүлүп, унаа жолдорун жеп, айдоо жерлерди каптаган.
Ушу тапта суу жеген жерлерге атайын техника тартылып, жээктерге кум төгүлүүдө. Министрлик учурда суулардын көлөмү бир аз төмөндөп калганын белгиледи.
Турак үйлөргө зыян келген эмес.
