БИШКЕК, 4-июн. — Sputnik. "Ак Бата" жаңы конушунун жергиликтүү жашоочуларына китеп акциясы өткөрүлөт. Бул тууралуу Бишкек мэриясынын маалымат кызматы билдирди.
Акция ишемби күнү саат 11.00дө башталат. Ал Борбордук китепкана менен Касымалы Баялинов атындагы жаштар жана балдар китепканасы тарабынан уюштурулуп жатат.
Иш-чаранын негизги максаты — жарандардын көңүлүн китепке буруу болуп эсептелет.
Акциянын алкагында китептердин көргөзмөсү, "Менин сүйүктүү китебим" аттуу темада сүрөт сынагы жана китептерге кам көрүү боюнча мастер-класстар уюштурулат.
Мындан тышкары, стол үстүндө ойнолгон шахмат, шашки оюндары өткөрүлөт.
