Ошто балдар үчүн майрам уюштурулуп, сууга түшүү сезону ачылды
Ошто балдар үчүн майрам уюштурулуп, сууга түшүү сезону ачылды
Sputnik Кыргызстан
Балдарды коргоонун эл аралык күнүндө майрамдык иш-чаралар гана өтпөстөн, атка минерлердин балдар үйүнө жана реабилитациялык борборлорго баруусу да каралган. 01.06.2016, Sputnik Кыргызстан
Балдарды коргоонун эл аралык күнүндө майрамдык иш-чаралар гана өтпөстөн, атка минерлердин балдар үйүнө жана реабилитациялык борборлорго баруусу да каралган.
ОШ, 1 июн. — Sputnik. Ошто Балдарды коргоонун эл аралык күнү түбөлүк оттун жанындагы эстеликтин аянтчасындагы "Менин бактылуу балалыгым" аттуу сүрөт сынагынан башталды.
Мындан тышкары, шаардын "Дельфин" бассейнинде жайкы сезон салтанаттуу ачылмакчы.
Ош шаардык маданият башкармалыгынын башчысы Топчубай Досбаевдин айтымында, бүгүн балдар үчүн көптөгөн белектер тартууланып, ири программадагы майрамдык концерт уюштурулат. Мындан тышкары, шаардын "Дельфин" бассейнинде жайкы сезон салтанаттуу ачылмакчы.
"Майрамдык концерт Токтогул Сатылганов атындагы шаардык паркта өтөт. Анын алкагында таланттуу балдарды сыйлоо каралган", — деди ал.
Досбаев мындан тышкары, мүмкүнчүлүгү чектелген балдар үчүн ар кандай сынактар уюштуруларын белгиледи.
Ал эми Ош мэриясынын өкүлдөрү "Боорукердик" үй-интернатына, "Алтын уя", "Лотос" балдар үйүнө, ошондой эле мүмкүнчүлүгү чектелген балдар каралган реабилитациялык борборлорго барып, наристелердин ал-абалы менен таанышат.
