БИШКЕК, 27-май — Sputnik. Аутист жана шал оорусу менен ооруган балдарды тарбиялаган аял тууралуу тасманын бет ачары болот. Бул тууралуу Кинематографияны өнүктүрүү фонду билдирди.
"Жашыл жазда кыялдарым орундалат" аттуу тасманы режиссер-документалист Аманбек Ажымат тарткан. Ал эми ага белгилүү режиссер Темир Бирназаров менен Асель жураева продюсерлик кылышкан.
Тасма 31-майда Чыңгыз Айтматов атындагы Кино үйүндө калың элдин назарына сунушталат. Тасма Балдарды коргоонун эл аралык күнүнө карата көрсөтүлөт.
Тасманын узакты 40 мүнөт.
