БИШКЕК, 26-май — Sputnik. Кинематография департаменти улуттук тасма үчүн мыкты кино долбоорлор үчүн сынак жарыялай турганын аталган мекеме билдирди.
Маалыматка ылайык, тасма тартууну мамлекет толугу менен же жарым-жартылай каржылайт. Сынакка Кыргызстандын бардык кинематографиялык уюмдары, көз карандысыз продюсерлер катыша алат.
"Долбоор социалдык тематикада болуп, коомдун жарандык жана моралдык ченемдерине жооп бериши керек", — деп айтылат билдирүүдө.
Сынак эки этап менен өтүп, 15-июлга чейин арыздар кабыл алынса, 30-июлга чейин эксперттик комиссиянын жыйыны өтөт.
