БИШКЕК, 23-май — Sputnik. Красноярскиде кендин урашынан жабыркагандардын арасында кыргызстандыктар жок. Бул тууралуу Тышкы иштер министрлиги билдирди.
Эскерте кетсек, бүгүн эртең менен Еруда айылына жакын жерде "Восточный" кенинин бир тарабы урап, жер алдында 150гө чукул киши камалып калган.
"Жабыркаган жумушчулардын арасында Кыргызстандын жарандары жок", — деп айтылат ТИМдин билдирүүсүндө.
Россиянын Өзгөчө кырдаалдар министрлиги кырсыкка жер астындагы суулар себеп болгонун айткан. Окуя болгон жерде ыкчам штаб иштеп, адамдар эвакуацияланды.
