БИШКЕК, 23-май — Sputnik. Красноярск крайында "Восточный" кенинин бир тарабы урап калды. Бул тууралуу ӨКМнын аймактагы өкүлү Алена Алексишина билдирди.
Анын айтымында, окуя эртең менен эрте Еруда айылына жакын жерде болгон. Жумушчулар жабыркаган эмес, бирок 150дөй киши жер алдына камалып калган.
ӨКМ кырсыкка жер астындагы суулар себеп болгонун айтууда. Учурда окуя болгон жерде ыкчам штаб иштеп, адамдар эвакуацияланууда.
Кыргызстандын Тышкы иштери министрлиги ушу тапта жабыркагандардын арасында КР жарандарынын бар-жогун тактап жатат.
