БИШКЕК, 16-май — Sputnik. Тажикстандан Кыргызстанга мыйзамсыз темир ташыган эки тажик жараны кармалганын Мамлекеттик чек ара кызматы билдирди.
Маалыматка ылайык, тажик жарандары үч тонна темирди мыйзамсыз ташып келе жатып, көзөмөл пунктунан айланып өтүүгө аракет кылышкан. Алар Лейлек чек арачылары тарабынан Бордук аймагынан кармалган.
Тийиштүү документтер толтурулгандан кийин административдик айып салынып, тийиштүү кызмат өкүлдөрүнө берилген.
