БИШКЕК, 15-май — Sputnik. Каталондук "Барса" клубу футбол боюнча Испаниянын чемпиону аталды.
Өлкө биринчилигиндеги акыркы турга "Раел" 87 упай менен келсе, "Барса" 88 упай чогулткан эле.
"Барса" конокто "Гранада" менен кезиксе, "Депортиво" өз үйүндө "Реалды" кабыл алды.
"Барса" мыкты аталыш үчүн атаандашын утса жетиштүү болмок, ал эми "Реал" өлкө биринчиси аталуу үчүн "Депортивону" жеңип, "Барсанын" жаза басышын күтүү керек эле.
Эки оюн бир учурда болуп, "Барса" атаандашынын дарбазасына жоопсуз үч гол киргизсе, "Реал" 2:0 эсебинде жеңишке жеткен. Турнирдин жыйынтыгы боюнча "Реал" 90 упайга ээ болсо, "Барса" 91 упай топтоп мыкты аталды.
