БИШКЕК, 11-май — Sputnik. Өзгөн районундагы Бишкек — Ош жолунун 634-чакырымында МАN фурасы менен Hyundai Getz унаалары кагышып, андан бир үй-бүлөнүн эки мүчөсү каза болду. Бул тууралуу ӨКМ билдирди.
Маалыматка ылайык, кырсыктан Hyundai Getz автосунун ээси 43 жаштагы Шералы Маматов жана Шералы кызы Асел ооруканадан каза болушкан. Ал эми ошол эле унаада келе жаткан Шералы уулу Темирлан менен жубайы Каныкей оор жаракат алып, ооруканага жеткирилген.
Окуя болгон жерге келген куткаруучулар унаага кыпчылып калган адамды чыгарып, Тез жардам кызматкерлерине өткөрүп беришкен.
Учурда фуранын ээси такталып жатат.
