Нөшөрлөгөн жаан жана сел суусу. Талас облусу жаратылыш кырсыгынан жабыркады

Жазылуу
Талас облусунда болгон катуу шамал үйлөрдүн шыйпырын учурду. Ал эми мөндүр аралаш жааган кар жаңы тигилген өсүмдүктөрдү алып кетти.

Баткендин тургуну: катуу шамалдан коркуп, үйдөн чыга албай отурдук
9-май күнү Талас облусунда ылдамдыгы секундасына 25 метрге чейин жеткен шамал болуп, ал Талас шаарындагы бир нече турак жайлардын чатырларын учурган. Ошондой эле бактар кулап, электр зымдарын үзгөн. 

Ал эми нөшөрлөп жааган жамгырдын кесепетинен айрым айылдарды сел каптады. Жаратылыш кырсыгынан Талас районундагы Ак-Жар айылы катуу жабыр тарткан. Мөндүр аралаш жааган жамгырдан сел жүрүп, ал айдоо аянттарын жана айылдагы 35 үйдү каптаган. Ошондой эле 20га жакын кой сууга агып өлгөн.

Ак-Жар айылынын тургуну Бекин Үмөталиев нөшөрлөп жааган жаандан улам бир нече сааттын ичинде сел жүрүп, айылды каптап кеткенин айтат.

"Сел суулары үйлөрдү каптап, ичине чейин кирди. Сактап койгон 1,5 тонна төө буурчак бар эле, ал суунун алдында калды", — дейт ал. 

Келтирилген чыгымдарды Жарандык коргоо комиссиясы аныктап жатат.

Учурда жаан токтобогондуктан кайтадан сел жүрүү коркунучу бар экенин ӨКМдин Талас облусундагы башкармалыгы эскертет. 

Жаңылыктар түрмөгү
0