БИШКЕК, 9-май — Sputnik. Премьер-министр Сооронбай Жээнбековдун токтомуна ылайык Кыргызстан менен Өзбекстандын чек арасындагы жети өткөрүү пункту убактылуу жабылды.
Бул кадам ЕАЭБдеги эл аралык милдеттенмелерди аткаруу үчүн жасалууда.
"Өкмөттүн атайын чечимине чейин кыргыз-өзбек чек арасындагы жети өткөрүү пункту аркылуу адамдардын, автоунаалардын жана жүктөрдүн өтүүсү токтотулат", — деп айтылат токтомдо.
Кыргыз-өзбек чек арасындагы жабылган өткөрүү пунктары:
- "Бек-Абад";
- "Кенсай";
- "Баймак";
- "Кара-Багыш";
- "Ынтымак";
- "Сейдикум";
- "Сумсар".
Мамлекеттик чек ара кызматынын билдиришинче кыргыз-өзбек чек арасында 15 өткөрүү пункту бар. Алардын 11 автоунаа өтүүчү, төртөөсү темир жол болуп саналат.
