БИШКЕК, 5-май — Sputnik. Эгер баланы дайым эле уруша берсе, көтөрүңкү үн анын абалына терс таасир тийгизип, атүгүл семиртип жиберерин америкалык окумуштуулар аныкташты. Бул тууралуу Fox News басылмасына таянуу менен РИА Новости жазып чыкты.
Экспериментке 12 жаштагы 451 өспүрүм катышкан. Илимпоздор аларды сегиз жыл бою байкоого алып, үй-бүлө ичиндеги абалга көз салышкан.
"Тарбиялоодогу одоно мамиле баланын ден соолугуна олуттуу зыян алып келет. Эгер ата-эненин бирөөсү балага дайым эле кыйкырып-өкүрө берсе анын терс таасирин экинчисинин жумшак мамилеси да алдын ала албайт", — дейт изилдөөнүн демилгечиси Томас Шофилд.
Анын айтымында, орой тарбия бала үчүн оор чөйрөнү шарттайт. Анын кесепети баланын ар дайым стресс абалында жүрүүсүн шарттап, ден соолугунун начарлашына алып келет.
