БИШКЕК, 4-май — Sputnik. Депутаттар парламенттин талкуусуна коюлган мыйзам долбоорлоруна добуш берүү системасын өзгөртүү демилгесин көтөрүшүүдө. Бул тууралуу Sputnik Кыргызстан агенттигине демилгечи депутат Кенжебек Бокоев билдирди.
Буга чейин убакытты үнөмдөө максатында добуш берүү процесси түштөн кийинкиге жылдырылган.
"Азыркы регламентке ылайык, мыйзам долбоорлор каралып бүтүп, түштөн кийин гана добуш берүүгө коюлат. Ал учурда кайсыл мыйзам долбоорго добуш берип жатканыбызды билбей калабыз", — дейт Бокоев.
Маселени чечүү үчүн ар бир мыйзам долбоору каралып бүтөрү менен дароо добушка коюу демилгеленүүдө.
