БИШКЕК, 4-май — Sputnik. Борбор калаадагы Алыкул Осмонов атындагы Улуттук китепканада бүгүн "Кылым карыткан Кыргыз радиосу" аттуу китеп-сүрөт көргөзмөзү өтөт.
Иш-чара Кыргыз радиосунун бирикмесинин 85 жылдык юбилейине арналат. Аталган радио бирикме 1931-жылы 19-декабрда түптөлгөн. Кыргыз үнүн эфирге алып чыккан алгачкы дикторлор белгилүү мамлекеттик ишмер Сакин Бегматова, Кыргыз эл артисти Алиман Жангорозова жана жазуучу Касымалы Бектенов болгон.
Учурда Коомдук биринчи каналдын "Кыргыз радио бирикмесинде" беш станция иштейт.
