БИШКЕК, 30-апр. — Sputnik. "Ислам мамлекети" террордук уюмуна байланышы бар хакерлер интернетке Нью-Йорктун жашоочуларынын дарегин жарыялап, террорчуларды аларга кол салууга чакырды. Бул туурасында РИА Новости Рейтер агенттигине таянып билдирди.
26 Чын Куран 2016, 18:27
ФБР кызматкерлери аты-жөнү интернетте пайда болгон жарандарга маалымат берүү үчүн алар менен байланышып чыккан. Анткен менен агенттиктеги булактардын бири бул маалыматтар анчалык деле коркунуч жаратпай тургандыгын айтты. Ал эми алардын бир катары эски болуп чыкккан.
Былтыр "Ислам мамлекети" террордук уюмуна байланышы бар хакерлер интернетке америкалык жүз аскер адамдары боюнча маалыматтарды да жарыялап, террорчуларды аларга кол салууга чакырган.
"Ислам мамлекети" террордук уюму бүгүнкү күндө дүйнөнүн башкы коркунучтарынын бири болуп калууда.Үч жыл ичинде террористтер Ирак менен Сириянын көпчүлүк жерлерин басып алышкан. Алардын катарындагылардын саны ар кандай маалыматтар боюнча 50 миңден 200 миңге чукулдап барат.
