БИШКЕК, 30-апр. — Sputnik. Бишкектеги "Ак кула" ат майданында ат оюндары боюнча мелдеш өтөт. Бул тууралуу улуттук спорт оюндары боюнча дирекциянын маалымат кызматы билдирди.
Турнир 9-май Улуу жеңиш күнүнүн урматына, СССРдин эл артисти Сүймөнкул Чокморовдун жана атактуу каскадер Үсен Кудайбергеновдун жаркын элесине арналууда.
Ат оюндары кунан чабыш, кунан жорго, кыска аралыкка кунан чабыш, кыска аралыкка бышты чабыш, бышты жорго, топ байге, кыска аралыкка ат чабыш, жорго салыш, ат чабыш болуп тогуз түрдө өтөт.
Мыктылар Бүткүл дүйнөлүк көчмөндөр оюнунда Кыргызстандын намысын коргойт.
Мындан сырткары, иш-чарада каскадерлор өнөрлөрүн көрсөтүшөт.
