БИШКЕК, 18-апр.— Sputnik. Улуу Ата Мекендик согуштун 71 жылдыгына карата Бишкектеги "Ак кула" ат майданында көк бөрү боюнча турнир өтөрүн КРдин Көк бөрү федерациясы билдирди.
Маалыматка ылайык, турнир 5-9-май күндөрү болот. Ага Кыргызстандын бардык командаларынын катышуусу күтүлүүдө.
Мындан сырткары, Чүй облусунун 90 жылдыгына карата 16-29-апрель күндөрү Чүй облусунун Сокулук жана Ысык-Ата райондорунда көк бөрү, кунан чабыш, ат салыш, футбол, волейбол боюнча мелдештер өтүүдө.
