БИШКЕК, 30-апр. — Sputnik. Кытай 2036-жылга чейин Айга астронавт учурууга ниеттенип жатат. Бул туурасында РИА Новости China Daily гезитине таянып маалымат берди.
Басылманын жазганына караганда, бул туурасында Кытайдын Элдик бошотуучу армиясынын генерал-лейтенанты, Кытайдын космостук программасынын жетекчисинин орун басары Чжан Юйлинь билдирген. Анын айтымында, Айдын бетине астронавтын кондурууга Кытайга 15-20 жылга жакын мезгил керек. Себеби, өлкө космос тармагын өнүктүрүшү зарыл.
Космос технологиялары боюнча Кытай Академиясынын илимий кызматкери Пан Чжихао бул максатты ишке ашыруу үчүн өтө оор ири ракета жүктөгүчтү жана астронавттар үчүн атайын скафандр иштеп чыгуу зарылдыгын айтты.
Буга чейин "Роскосмос" мамлекеттик корпорациясынын жетекчиси Игорь Комаров Россия менен Кытай биргелешип башка планеталарды — Марс менен Айды иликтей тургандыктарын билдирген.
2013-жылы декабрда Кытай Айга "Юйту" деп аталган айда жүрүүчү техникасын учурган. Ал Советтер союзунун (Луна-24") 1976-жылдагы саамалыгынан кийин эле экинчи учурулган жасалма объект болуп калды.
