БИШКЕК, 28-апр. — Sputnik. Бишкекте унаа жөө адамды сүзүп, жабырлануучу жеринен каза болду. Бул тууралуу Бишкек шаардык ички иштер башкармалыгы билдирди.
Маалыматка ылайык, 27-апрель күнү саат 22:30 чамасында Жибек Жолу проспектиси менен Кулиев көчөлөрүнүн кесилишинде автоунаа 44 жаштагы жөө адамды сүзүп, окуя болгон жерден качып кеткен. Кырсыкка кабылган адам оор жарааттан улам жеринде жан берген.
Учурда Бишкек шаардык ички иштер башкармалыгы тарабынан тергөө амалдары жүрүүдө.
