БИШКЕК, 21-апр. — Sputnik. Оксфорд, Гарвард сыяктуу дүйнөдөгү атактуу жогорку окуу жайларда билим алган кыргыз студенттерине мамлекет тарабынан стипендия төлөнүүсү керек. Бул тууралуу Жогорку Кеңештин депутаты Акылбек Жаманкулов парламентте сүйлөп жатып билдирди.
Эл өкүлү бул кадам жаштарга чоң стимул болорун айтты.
"Дүйнөдөгү атактуу Оксфорд, Гарвард сыяктуу окуу жайларда кыргыз студенттери билим алып келишет. Бул Кыргызстан үчүн жакшы көрүнүш. Бирок бүгүнкү күндө аталган студенттерге мамлекет тарабынан жардам берилбейт. Андыктан Кыргызстан чет жакта билим алган студенттерге стипендия төлөп берүүсү керек", — дейт Жаманкулов.
Учурда Жогорку Кеңештин жыйыны уланууда.
