БИШКЕК, 21-апр. — Sputnik. Май майрамдарынан кийин, 12-майдан тарта бир айга чейин Бишкек шаарында ысык суу берүү токтотулат. Бул туурасында "Бишкек жылуулук тармактары" ишканасынын жетекчиси Sputnik Кыргызстан агенттигине кабарлашты.
Анын айтымында, апрелден октябрга чейин жылуулук тармактарындагы оңдоп-түзөө иштери толугу менен бүтөт.
Ысык суу бир айга өчүрүлөт. Бул мезгил аралыгында биринчи иретте толугу менен оңдоп-түзөө иштерин талап кылган жабдуулар оңдолот.
