БИШКЕК, 20-апр. — Sputnik. Түндө Кайгуул милициясынын кызматкерлери коомдук жайларда арак ичип, бейбаштык кылган 44 кишини кармады. Бул тууралуу Бишкек ШИИБдин маалымат кызматы билдирди.
Маалыматка ылайык, Бишкек шаарынын Кайгуул милициясы 19-апрелде 78 чакырууга чыккан. Бир түндө төрт кылмыштын бети ачылган.
Ошондой эле жол коопсуздугун камсыз кылууда жолдо жүрүү эрежесин бузган 542 фактынын алды алынган. Тийиштүү документи жок машина айдап жүргөн 20 айдоочу кармалса, тыюу салынган жерге машинасын токтоткондорго карата 136 административдик протокол түзүлгөн.
Андан сырткары, мас абалында машина айдап жүргөндөргө карата алты протокол түзүлүп, айып короого 24 автоунаа киргизилген.
